Ministru Administrasaun Estatál (MAE), Miguel Pereira de Carvalho. Imajen/TATOLI

DILI, 23 novembru 2020 (TATOLI)—Ministru Administrasaun Estatál (MAE), Miguel Pereira de Carvalho, informa sorumutu ohin ne’e nia parte atualiza preparasaun komemorasaun Loron Proklamasaun Independénsia 28 novembru ba dala-45 ne’e ba Prezidente Repúblika, Francisco Guterres ‘Lú Olo’.

Miguel Pereira de Carvalho hatutan, selebrasaun refere sei prezide hosi Prezidente Repúblika, Francisco Guterres ‘Lú Olo’, no tuir planu Prezidente Repúblika sei fó kondekorasaun ba timoroan hamutuk na’in-40 ho grau Órden Timor-Leste ka Órden Prezidente Nicolau Lobato nian.

“Tuir planu, Prezidente Repúblika organiza ona atu fó kondekorasaun ba timoroan hamutuk na’in-40 ho grau Órden Timor-Leste ka Órden Prezidente Nicolau Lobato nian. Só ita hatene bainhira exceléncia Prezidente Repúblika Francisco Guterres ‘Lú Olo’ públika ona dekretu prezidénsia foin bele hatene razaun saida,” Ministru Administrasaun Estatál (MAE), Miguel Perreira de Carvalho, informa ba jorbalista sira hafoin hala’o enkontru ho Prezidente Repúblika, Francisco Guterres ‘Lú Olo’, iha Palásiu Prezidénsia Nicolau Lobato, Bairru-Pite, Dili, segunda ne’e. 

Nia hateten, Loron Proklamasaun Independénsia 28 novembru iha tinan ida-ne’e sei selebra iha Munisípiu Liquiça ho tema “Junto Unido para Garantir a Saúde Público Contexto Recuperação Económia”.

“Tanba ita moris iha situasuan rua nia-laran mak situasaun pandemia COVID-19 ho rekuperasaun ekonómia ne’ebé mak ita-nia Governu realiza hanesan Cesta Bázika ne’ebé mak estabiliza ekonómia no rekupera ekonómia. Tanba ida-ne’e mak Governu opta tema “Junto Unido para Garantir a Saúde Público Contexto Recuperação Económia” ne’e, sai tema ba loron proklamasaun independénsia ba dala-45,” nia hateten.

Aleinde ida-ne’e, governante ne’e haktuir selebrasaun 28 novembru ne’e sei iha animasaun ne’ebé atu anima komunidade sira no atividade balun ne’ebé sei kompleta iha selebrasaun refere inklui misa ne’ebé sei realiza iha 27 novembru.

Nia informa, selebrasun refere Governu liuhosi MAE aloka orsamentu hamutuk rihun $300 maibé entidade balun mós halo despeza inklui ho Munisípiu Liquiça rasik.

Jornalista: Osória Marques

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here