Ilustrasaun ninja. Imajen/foti hosi Google

DILI, 23 novembru 2020 (TATOLI)- Komandu Jerál Polísia Nasional Timor-Leste (PNTL) klarifika katak isu ninja ne’ebé mosu iha Munisípiu Ainaro ne’e laloos.

Portavós Komandu Jerál PNTL, Superintendente Xefe, Arnaldo de Araújo. Imajen Tatoli/Eugénio Pereira

“Ami halo ona koordenasaun ho Komandu PNTL Ainaro klarifika katak, isu ninja ne’e laloos no PNTL sira halo hela identifikasaun ba isu ne’e. Ami apela mós ba ita nia populasaun sira karik hetan informasaun no ameasa ruma bele hato’o keixa ba ita-nia PNTL,” portavós Komandu Jerál PNTL, Superintendente Xefe, Arnaldo de Araújo  informa, ohin, ba jornalista iha Komandu Jerál PNTL, Caicoli, Dili.

Komandu PNTL rasik hatún ona ekipa Servisu Informasaun Polísia (SIP) koopera ho autoridade suku no grupu juventude-sira hodi verifika issue ne’e no mantein nafatin seguransa atu la bele halo populasaun trauma no ta’uk.

Ninja ka Shinobi, tuir filozofia  Japaun nian katak ne’ebé taka oin metin no ninia movimentu segredu. Iha tempu foidal nian iha Japaun, ninja ne’e treinu iha arte ninjutsu.

Tuir peritu sira nia hanoin katak ema ho ninja la’ós “ahu-na’in” ka oho door ema, maibé dala barak liu ninia movimentu ne’e halo infiltrasaun ho nonook (penyusupan).

Ninja ne’e mai hosi dalen Japaun ne’ebé hateten “nin” katak infiltradór, tanba ne’e ema ne’ebé sai ninja tenke iha abilidade espesiál atu halo infiltrasaun ne’ebé ema la hetan nia ain-fatin

Jornalista: Eugénio Pereira

Editór: Francisco Simões

HAKEREK NO HATÁN

Please enter your comment!
Please enter your name here