Embaixadór Timor-Lest ba Japaun, Ilídio Ximenes da Costa. Imajen/Egas Cristóvão

DILI, 20 novembru 2020 (TATOLI)—Hafoin aprezenta esperiénsia Timor-Leste nian kona-ba susesu Timor-Leste nian iha post conflict, rekonsiliasaun no fronteira marítima iha Japaun, Korea Súl no Kosovo konvida tán Kay Rala Xanana Gusmão atu no sei partilla esperiénsia ne’ebé hanesan.

Notisia Relevante: Lori TL ba Vitoria FM, Hasegawa Konvida Xanana, Horta ho Agio Pereira

“Rezultadu hosi postingan ne’e mak iha loron 19/11/2020, ha’u simu email nota verbál ida hosi Embaixada Kosovo husu atu halo zoom konferénsia ida ho Ministra Negósiu Estranjeiru no Kooperasaun Timor-Leste nian no Ministru Estranjeiru Kosovo rasik kona-ba asuntu diplomásia. Iha loron 19 novembru ne’e duni simu mensajen hosi kolega sira iha Korea Súl ne’ebé hakarak konvida Maun Boot atu ba ko’alia hanesan ne’e iha Korea Súl,” Embaixadór Timor-Leste iha Japaun, Ilídio Ximenes da Costa informa ba Agência TATOLI, liuhosi email, kinta kalan.

Ho konvite foun ne’e, Ilídio dehan, opurtunidade di’ak ba Timor-Leste atu kontinua promove ninia susesu sira ba komunidade internasionál tanba konvite sira hanesan ne’e tanba impaktu hosi figura hanesan Kay Rala Xanana Gusmão.

“Hatudu katak konferénsia ne’e pozitivu tebes no ema mak agora presiza ita atu fahe esperiénsia ba malu. Ne’e susesu ida iha área diplomásia nian,” nia hateten. 

Hafoin simu nota verbál hos Korea Súl no Kosovo ne’e, Embaixadór Ilídio Ximenes da Costa hato’o kedas ba Ministra Negósiu Estranjeiru no Kooperasaun (MNEK), Adaljiza Albertina Xavier Magno no Diretór Jerál MNEK, Domingos Savio.

“Maibé ba Maun Boot Xanana Gusmão, ha’u seidauk fó hatene,” Embaixadór Ilídio Ximenes da Costa informa.

Jornalista: Evaristo Soares Martins

Editór: Cancio Ximenes

1 KOMENTÁRIU

  1. suseso Timor leste nian, labele laran moras malu hodi impede malu, ita hotu agradese ba avo Nana nia matenek nebe iha, tanba liu husi nia, nasaun barak mak kuinhese timor leste, liu husi nia ita bele promove timor leste ba mundu, liu husi nia mak Timor leste nia naran morin iha mundu, ne’ebe ita hotu agradese. tanba la iha tan seluk mak bele hamorin timor iha mundu internasional, ita agradese tanba liu husi nia matenek, ita bele manan batas laut, nasaun sira seluk nebe ukun an kliur ona maibe batas laut seidauk bele rezolve, maibe timor bele rezolve batas laut nian ho Australia, ne’e tanba matenek Avo Nana nian, se Avo Nana la iha mak sei la akontese hanesan neee, ema nasaun seluk konvida ita nia lider hanesan avo Nana ba fahe nia ekspriensia iha nasaun sira iha liur ne,e hatudu ba mundu katak ita nia ema matenek iha, lori nasaun nia naran ba promove iha mundu internasional, tanba ne’e ita hotu tenke agradese.
    Obrigadu, obrigadu, obrigadu Avo Nana.

HAKEREK NO HATÁN

Please enter your comment!
Please enter your name here