Ministru Obra Públika, Salvador Eugênio Soares dos Reis Pires. Imajen TATOLI/Egas Cristovão

DILI, 18 novembru 2020 (TATOLI)–Unidade Planeamentu Monitorizasaun no Avaliasaun (UPMA) fó treinamentu kona-ba sistema orsamentasaun 2021 ba funsionáriu no direjente Ministériu Obra Públika (MOP) atu hatene kona-ba lala’ok no planu prioridade ministériu iha 2021 nune’e sira bele hatene ho di’ak.

Razaun realiza atividade ne’e tanba aprezentasaun Orsamentu Jerál Estadu (OJE) 2021 la hanesan antes ne’e, tinan oin orsamentu bazeia ba programa.

Ministru Obra Públika, Salvador Eugênio Pires, hateten treinamentu ne’e  fasilita hosi Gabinete Primeru-Ministru liuhosi UPMA, hodi forma funsionáriu, diresaun MOP no  ajénsia sira atu hatene liután kona-ba sistema, ne’ebé hahú prepara ninia implementasaun.

“Ami halo koordenasaun ho UPMA atu halo formasaun ba ami-nia ajente sira atubele abitua sira-nia an ba sistema,” Ministru Salvador tenik iha Otél Novo Turismu, kuarta ne’e.

Iha fatin hanesan, Koordenadora UPMA, Brígida Soares, hateten atividade ohin atu partilla planu no prioridade sistema orsamentál ba funsionáriu MOP atu hatene.

“Sira presiza hatene sistema orsamentál inklui planu no prioridade saida maka ministériu halo iha tinan oin, kuandu define ona iha Osamentu Jerál Estadu 2021 nian. Treinamentu ne’e bele fasilita diretór, kargu xefia Ministériu Obra Públika bele hatene liután nune’e bele implemeta sistema tinan oin,” nia akresenta.

Jornalista: Natalino Costa

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here