Juiz Administradár Tribunal Distritál Dili, Afonso Carmona. Imajen Tatoli/Dok.

DILI, 18 novembru 2020 (TATOLI)-Hosi janeiru to’o outubru, tinan ne’e, Tribunál Distritál Dili (TDD) rekolla reseita  ho montante $427,000.00 hodi kontribui ba kofre Estadu.

Juis Administradór Tribunál Distritál Dili, Afonso Carmona, ba Agência Tatoli iha nia kna’ar fatin, Mandarin, Dili, ohin, hateten reseita hirak ne’e Tribunál kobre hosi aplikasaun ba prosesu kazu-sira ne’ebé iha ona desizaun ba arguidu sira, hanesan selu multa, selu kustu judisiál no ba sasán apreensaun ne’ebé iha valór ekonomia hodi halo leilaun.

Afonso Carmona, dehan desizaun hotu ne’ebé Tribunál foti  bazeia ba lei prosesual, faktu ka prova no konsiénsia rasik.

Tuir dadus hosi Tribunál Distritál Dili, hahú hosi inísiu janeiru to’o outubru 2020,  iha prosesu krime 1183 hosi Ministériu Públiku (MP) maka  tama ba iha TDD no TDD konsege finaliza nia desizaun julgadu  ba kazu  1181 no kazu-sira ne’e hanesan violénsia doméstika, ho forma ofensa korporais, violasaun seksuál, danu, brula, integridade fízika, omisídiu, korrupsaun ho sira seluk tan.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here