Ministra Negósiu Estranjeiru no Kooperasaun, Adaljiza Albertina Xavier Reis Magno. Imajen TATOLI/António Gonçalves

DILI, 18 novembru 2020 (TATOLI)—Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, kuarta ne’e briefing Prezidente Parlamentu Nasionál (PPN) KONa-ba prosesu Timor-Leste atu adere ba Association of Southeast Asian Nations (ASEAN).

Ministra Adaljiza Magno briefing Prezidente Parlamentu Nasionál ho objetivu atu órgaun soberania sira uza linguajen ida de’it bainhira ko’alia kona-ba ASEAN.

“Mai breafing kona-ba prosesu adezaun ba ASEAN, ami husu prezidente komesa ona manda mensajen oinsá Timor-Leste ninia preparasaun atu sai membru ASEAN, atu órgaun soberania hotu-hotu iha línguajen ida de’it kuandu ko’alia kona-ba ASEAN,” Ministra Adaljiza Albertina Xavier Reis Magno informa ba jornalista sira hafoin briefing PPN, Aniceto Guterres, iha Parlamentu Nasionál, kuarta ne’e.

Iha opurtunidade ne’e mós, Ministra Negósiu Estranjeiru no Kooperasaun ne’e sensibiliza Prezidente Parlamentu Nasionál kona-ba prosesu hotu-hotu hanesan preparasaun tékniku ne’ebé mak kuaze atu hotu ona.

Assesment ba pilár ekonomia ne’e preparasaun tékniku hotu ona, agora oinsá atu implementa de’it sira-nia atualizasaun hosi ASEAN, entaun breafing ne’e hanesan himbauan ba prezidente hodi manda mensajen klaru kona-ba ita tu membru ASEAN nian,” nia dehan

Ministra Negósiu Estranjeiru no Kooperasaun ne’e fó ezemplu, bainhira órgaun soberanu sira halo diskursu ruma ko’alia kona-ba ASEAN tenke ko’alia lian ida de’it.

Ministra Adaljiza Magno mós informa pilár seguransa nian ne’ebé halo ona iha tinan kotuk no mós pilár sosiu-kulturál ne’ebé halo hotu oha fulan rua liubá.

“Agora kona-ba polítika-seguransa nian sira fó ona atualizasaun mai komesa husu ita-nia partisipasaun ativa iha reuniaun sira, ne’ebé ke uluk ita nunka partisipa. Agora sira fó pasu luan tán hodi halo ezersísiu ba ita-nia aan hodi adapta ita-nia aan ba reuniaun sira,” Adaljiza Magno hateten.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here