Ministériu Interiór liuhosi Diresaun Jerál Servisu Migrasaun selebra aniversáriu feminina Migrasaun ba dala V ho atividade desportu dada tali. Imajen Tatoli/Eugénio Pereira

DILI, 18 novembru 2020 (TATOLI)- Ministériu Interiór liuhosi Diresaun Jerál Servisu Migrasaun, ohin, selebra aniversáriu Servisu Migrasaun  Feminina nian ba da-limak ho atividade desportu dada-tali.

Atividade ne’e hala’o iha resintu Ministériu Interiór ne’ebé partisipa hosi funsionáriu Migrasaun hotu, inklui bainaka sira hanesan, reprezentante feminina Komandu Polísia Munisípiu Dili, reprezentante feminia Komandu Jerál PNTL, Telkomcel, no reprezentante feminina Diresaun Nasionál Seguransa Sivíl

Diretór Jerál Servisu Migrasaun, Superintendente Asistente, Luis Soares Barreto hato’o parabéns ba Servisu Migrasaun feminina no tuir nia jestu komemorasaun aniversáriu ho atividade desportiva atu hametin liután feminina-sira nia amizade hodi kontribui servisu ho profisionál.

Atividade seluk tan, sei realiza semináriu nasionál, dansa kulturál, sertame no misa agradesimentu entre família boot Servisu Migrasaun.

Servisu Migrasaun mós aprezenta  proposta osan rihun $10 hodi realiza eventu ne’e, no  prepara mós taxa ba manan na’in sira hodi motiva sira kontinua dedika servisu di’ak ba susesu Servisu Migrasaun no Ministériu Interiór.

Daudaun ne’e totál membru  Servisu Migrasaun feminina na’in-48 ne’ebé destaka iha Dili no postu integradu fronteira terrestre, inklui balun iha nasaun  estranjeiru.

Jornalista   : Eugénio Pereira

Editór        : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here