Xefe Suku Caicoli, Hipolito Marques Sarmento. Imajen/Osória Marques

DILI, 17 novembru 2020 (TATOLI)—Xefe Suku Caicoli, Postu Administrativu Na’in Feto Munisípiu Dili, Hipolito Marques Sarmento, husu ba Ministériu Administrasaun Estatál (MAE) atu apoiu ekipamentu eskritóriu hanesan armariu, meza, komputadór hodi fasilita servisu administrasaun suku.

“Durante ha’u asume  kargu  hanesan xefe suku iha tinan 2009 to’o agora sede suku Caicoli mak kontinua hanesan ne’e meza, armariu, sira ne’ebé tau dokumentu sira laiha ami nafatin uza makina manuál mak halao servisu to’o agora seidauk iha komputadór, printer no kadeira sira,” Autoridade Suku Caicoli ne’e informa kestaun ne’e ba Tatoli, iha ninia servisu fatin Caicoli, tersa ne’e.

Notísia Relevante :Xefe Suku Husu Apoiu Komputadór

Problema hirak ne’e afeta tebes ba servisu autoridade lokál ho ninia ekipa iha fatin ne’ebá bainhira atu prodúz dokumentu balun ne’ebé maka komunidade sira presiza ho karakter urejensia.

“Durante eleitu sai xefe suku ami uza mákina manuál to’o agora ami enfrenta buat barak iha sede suku Caicoli,  komputadór ne’ebé mak iha ami husu apoiu husi pertamina realistik hodi fasilita ami atu halo servisu,” nia hatutan.

Notísia Relevante :Autoridade Covalima Sei Apoia Komputadór 30 Ajuda Servisu Xefe Suku

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here