Osan Dollar Amerikanu. Imajen/Espesiál

DILI, 17 novembru 2020 (TATOLI)—Primeiru-Ministru (PM), Taur Matan Ruak, husu reklamate sira pasiénsia hein pagamentu subsídiu $200, hafoin verifika no transfere osan ba konta bankária kada suku.

“Kona-ba relamasaun sira, loloos horisehik komesa ona pagamentu, maibé iha problema tékniku balun ne’ebé sei demora no lentu oituan, maibé ha’u hakarak hateten ba populasaun sira no ita-nia inan no aman sira atu pasiénsia oituan tanba Governu la haluha,” PM Taur hateten, tersa ne’e,  iha Pálasiu Prezidensiál, Bairro Pité.

PM Taur dehan, parte kompetente sei hadi’a lista hotu tanba lista ne’e rasik tenki mai hosi Ministeriu Administrasaun Estatál (MAE) hodi konfirma hafoin entrega ba Ministériu Solidaridade Sosiál no Inkluzaun (MSSI) no ba Ministériu Finansa (MF) atu halo transférensia osan.

Entertantu, Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto, hateten MSSI seidauk bele realiza pagamentu ba reklamasaun sira tanba Banku Nasionál Komérsiu Timor-Leste (BNCTL, sigla protugés) sei re-depozita lai osan ba konta bankária suku nian.

Nia dehan, bainhira Banku Komérsiu re-depozita ona osan mak depozita fali ba banku.

BNCTL husu MSSI atu fó tempu tan loron balun hodi bele rekonsilia orsamentu no bainhira finaliza maka halo prosesu foun hafoin depozita fali osan ba konta bankária suku.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here