doc.MS

DILI, 17 novembru 2020 (TATOLI)—Ministériu Saúde liuhosi Diresaun Nasionál Rekursu Umanu, tersa (17/11) hahú loke vaga hamutuk 300 ba profisionál saúde sira atu konkore hodi dezenvolve di’ak liután programa saúde iha família.

Diretora Rekursu Umanu, Ministériu Saúde, Tomasia de Sousa, informa vaga 300 ne’e kompostu husi médiku jerál 64, enfermeiru no enfermeira hamutuk 94, parteira 108 no saúde públika 34.

Notísia Relevante :MS Sei Rekruta Pesoál Saúde Sira Ne’ebé Termina Ona Estudu

“Ohin ita loke ona vaga no aplikante sira bele hatama ona dokumentu,”dehan nia ba Tatoli, via telefone, tersa (17/11).

Tuir nia Ministériu Saúde loke konkursu públiku ne’e durante loron 14 hahú 17 to’o 30 fulan-novembru 2020 iha Dili.

Entretantu, profisionál 300 ne’ebé liu rekrutamentu ne’e,  Ministériu Saúde sei koloka sira bá servisu iha Postu Saúde, Sentru Saúde, Ospitál Referál no Nasionál iha territÓriu Timor-Leste.

Notísia Relevante :MS Sei Koloka Pesoál  Saúde Ba Sentru Saúde Ne´ebé Menus Atendimentu

Jornalista:Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here