Imajen/SAS Timor-Leste.

DILI, 17 novembru 2020 (TATOLI)–Xefe Suku Caicoli Postu Administrativu Na’in Feto, Munisípiu Dili, Hipólito Marques, hateten Suku Caicoli hakarak kontribui atu suku seluk iha urbana hetan uluk bee-moos tanba iha Suku Caicoli ne’e komunidade sei bele utiliza bee posu. 

“Ami hosi suku Caicoli daudaun ne’e uza de’it bee posu ka mata bomba maske Caicoli riku ho bee-moos. Bee iha suku Caicoli barak maibé komunidade Caicoli hakarak suku seluk hetan tiha lai mak husu Diresaun Nasionál Servisu Água (DNSA) dada bee ba sira. Tanba durante ne’e suku barak iha urbana sei halerik hela ba bee-moos,” Xefe Suku Caicoli, Hipólito Marques, hateten ba Agência TATOLI iha nia knaar fatin Caicoli, Dili, tersa ne’e. 

Nia hatutan, DNSA mai to’o iha Suku Caicoli atu dada bee-moos maibé nia rasik ho ninia komunidade mak lakohi tanba sira hakarak dada ikus bainhira suku seluk iha Dili laran hetan hotu ona bee-moos. 

“Bainhira suku seluk hetan hotu ona mak komunidade ba hato’o rasik DNSA hodi dada bee-moos, depois sei hasai ka sobu bee posu hodi ema hotu-hotu iha urbana bele asesu bee ne’ebé mak hanesan,” nia dehan.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here