iklan

EDUKASAUN, HEADLINE

Estudante finalista rihun 4-resin mak sei tama UNTL no IPB

Estudante finalista rihun 4-resin mak sei tama UNTL no IPB

Logotipu UNTL

DILI, 17 novembru 2020 (TATOLI)—Ministru Ensinu Superiór Siénsia no Kultura (MESSK), Longuinhos dos Santos, informa Universidade Nasionál Timor Lorosa’e (UNTL) no Institutu Politékniku Betano (IPB) deside ona sei simu estudante finalista hamutuk 4.320 ne’ebé aplika ba iha rejime jerál no espesiál.

Husi númeru 4.320 ne’e, rejime jerál ho ninia persentajen hamutuk 70 no rejime espesiál pursentu 30.

Notísia Relevante :MESSK hahú loke inskrisaun ba estudante finalista asesu UNTL

“Kandidatu asesu ba UNTL no IPB fiksu ona no agora hein de’it rezultadu husi ezame nasionál ne’ebé mak agora daudaun estudante finalista sira husi ensinu sekundáriu jerál no tékniku vokasionál  sira hala’o hela, kuandu rezultadu ne’e fó sai ona Instituisaun ensinu superiór rua nee mós loke ona prosesu engeresu ba kandidatu foun sira,” dehan Ministru Longuinhos dos Santos, ba jornalista sira iha Caicoli, segunda ne’e.

Iha tinan ne’e, MESSK liuhosi rejime hakbi’it ka oan ki’ak oferese vaga ba oan ki’ak hamutuk 910 atu asesu UNTL no IPB.

Nune’e mós rejime ba veteranus nia-oan sira ho kuantidade ema hamutuk 650 ne’ebé sei hili husi Munisípiu 12 inklui Rejiaun Administrativa Espesiál Oe-Cusse Ambeno (RAEOA), kada munisípiu reprezentan estudante na’in 50.

Entretantu, husi rejime espesiál ne’e sei fó oportunidade ba instituisaun Polisia Nasionál Timor Leste (PNTL), FALINTIL-Forsa Defeza Timor Leste (F-FDTL), rejime ba desportista alta kualidade ne’ebé hamorin ona Timor-Leste nia-naran iha mundu, rejime ba ema defisiénsia no seluk tan.

Notísia Relevante :2020, IPB loke vaga ba estudante 300

Jornalista : Tomé Amado

Editór :Agapito dos Santos

iklan
iklan

Leave a Reply

iklan
error: Content is protected !!