Diretór Jerál Ministeriu Soliedariedade Sosial Rui Manuel Gago Exposto.Imajen/Tatoli Egas Cristovao.

DILI, 17 novembru, 2020 (TATOLI)—Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto hateten, aban, MSSI seidauk bele realiza pagamentu ba reklamasaun sira tanba Banku Nasionál Komérsiu Timor-Leste (BNCTL-sigla protugés) sei re-depozita lai osan ba iha konta bankária suku nian.

Notísia Relevante: Semana ne’e, MSSI halo pagamentu ba reklamante 2.881

“Aban, ita seidauk bele eleza pagamentu ba reklamante sira tanba ita iha poblema  boot ho orsamentu tanba ne’e ita sei hein Banku Nasionál Komérsiu Timor-Leste (BNCTL-sigla protugés) sei re-depozita tiha lai osan iha konta bankaria suku nian ne’e,” Diretór Jerál MSSI, Rui Manuel Gago Exposto, hato’o ba Agência TATOLI via telefónika, tersa ne’e.

Nia dehan, bainhira BNCTL re-depozita ona osan mak depois depozita fali ba banku, tanba ne’e mak MSSI seidauk bele realiza pagamentu ba reklamante sira iha territóriu Timor-Leste.

Tanba ne’e, nia dehan, BNCTL husu MSSI atu fó tempu tan loron rua-tolu hanesan ne’e hodi sira bele rekonsilia lai orsamentu bainhira finaliza tiha lai depois mak prosesu foun fali hafoin depozita fali osan ba konta bankária suku nian.

Diretór ne’e hateten, nia sei iha dúvida hela ne’ebé nia seidauk bele fó sai data fiksu ba pagamentu nian, tanba ne’e husu atu augenta tan lai parese fulan ne’e bele realiza ona.

Notísia Relevante: Xefe Suku Caicoli seidauk simu orientasaun kona-ba pagamentu reklamante

Jornalista: Osória Marques

Editór: Cancio Xiemenes

 

HAKEREK NO HATÁN

Please enter your comment!
Please enter your name here