Prezidente Komisaun F, Noe da Silva. Imajen espesiál

DILI, 16 novembru 2020 (TATOLI)— Prezidente Komisaun F Parlamentu Nasionál (PN) trata asuntu Saúde, Seguransa Sosiál no Igualdade Jéneru, Noe da Silva hateten durante ne’e Sekretaria Estadu Igualdade Inkluzaun (SEII) ladún tau importánsia ba asuntu ema ho defisiénsia.

“SEII ladún tau importánsia ba ema ho defisiénsia sira tanba durante ne’e la envolve ema ho defisiénsia iha SEII,” Noe da Silva ba jornalista sira, iha resintu PN, ohin.

Liuhusi aprezentasaun programa no orsamentu 2021 nian, nia dehan, Komisaun F rekomenda ba SEII atu iha pontu vogál hosi ema ho defisiénsia ida iha SEII nune’e bele atende no tau-matan ba ema ho defisiénsia iha territóriu Timor-Leste.

“Ho aprezentasaun ne’e, ita propoin para iha mós envolvimentu pontu vogál ida hodi reprezenta ema ho defisiénsia iha SEII,” nia rekomenda.

Noe mós propoin ba SEII para kria konsellu no sentru integradu ida ba ema ho defisiénsia sira.

Deputadu ne’e haktuir prioridade SEII nian ba tinan oin mak tau-matan ba ema ho kbiit laek sira hamutuk grupu 18 no kada grupu ida sei hetan rihun $5. Seluk mak SEII tau prioridade ba ema ho defisiénsia.

Jornalista: Osória Marques

Editór: Xisto Freitas

HAKEREK NO HATÁN

Please enter your comment!
Please enter your name here