Prokuradór Jerál Repúblika, José Ximenes. Imajen Tatoli /Egas Cristovão

DILI, 16 novembru 2020 (TATOLI)-Konsellu Superiór Ministériu Públiku (MP) sei diskute kona-ba karreira promosaun ba prokuradór ka majistradu-sira.

Notísia Relevante : Prezidente Repúblika enkoraja MP luta kontra krime organizadu

“Konsellu Superiór Ministériu Públiku iha loron 20  novembru, tinan ne’e, sei halo reuniaun hodi diskute kona-ba promosaun ba prokuradór  ka majistradu-sira” Prokuradór Jerál Repúblika (PGR), José Ximenes, hateten, ohin, ba jornalista sira iha Palásiu Prezidensiál, Dili.

Nia hateten, diskusaun ne’e sei haree ba prokuradór-sira ne’ebé mak prienxe ona to’o tinan haat ne’ebé halo ona inspesaun ordináriu ba fin promosaun.

Daudaun ne’e, PGR iha majistradu ka prokuradór na’in-37 ne’ebé koloka iha Prokuradoria Distritál Dili, Prokuradoria Distritál Baucau, Prokuradoria Distritál Suai no Prokuradoria Oe-Cusse.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here