Governadór BCTL, Abrãao de Vasconcelos. Imajen TATOLI/António Gonçalves

DILI, 16 novembru 2020 (TATOLI)--Banku Sentrál Timor-Leste (BCTL, sigla portugés) rekomenda Governu liuhosi Ministériu Finansa (MF) atu hala’o estudu ba sustentabilidade fundu petrolíferu no halo estudu jerál ba finansa públika.

Governadór Banku Sentrál, Abrãao de Vasconselos, hateten Banku Komérsiu ne’e halo ona senáriu lubuk ida tanba nota iha debate no diskusaun revante, barak maka ko’alia kona-ba kestaun sustetabilidade fundu petrolíferu, ne’ebé tenke iha estudu própriu bazeia ba dadus forte.

“Atu ita iha Informasuan kompletu  ba sustetabilidade fundu petrolíferu, tanba ami-nia informasaun sira mós bazeia ba dadus ofisiál sira ne’ebé hasai hosi Governu. Ha’u hanoin presiza iha estudu ne’ebé própriu kona-ba sustetabilidade fundu petrolíferu ou estudu jerál ba finansa públika tanba kestaun ne’e importante tebes,” Governadór rekomenda iha ámbitu audiénsia públika konjuta, iha sala plenária Parlamentu Nasionál (PN), segunda ne’e.

Tuir nia, urjénsia duni atu Parlamentu no Governu presiza estratéjia atu haree sustentabilidade fundu petrolíferu.

“Ita-nia kestaun sustentabilidade hosi ita-nia fundu petrolíferu ne’e, Banku Sentrál fiar katak hanesan entidade apropriadu atu informa ba ita hotu mak Governu liuliu Ministériu Finansa,” nia akresenta.

Dirijente ne’e, hatutan atu evita Banku Sentrál hato’o ninia opiniaun rasik ba sasan ida sériu hanesan fundu petrolíferu, presiza iha dadus forte liuhosi estudu atubele hatene sustetabilidade fundu ániku ne’e.

Governu rasik esklarese iha 2024 ba oin ne’e reseita hosi atividade petrolíferu ne’e laiha tanba ne’e presiza atu haree sustentabilidade.

Antes ne’e, Iha diskusaun jornada orsamentál, MF aprezenta senáriu haat ba tetu fiskál OJE 2021 ba kada ministériu no ajénsia Estadu sira hodi hahú define no elabora planu prioridade.

Senáriu dahuluk, maka sustentável aumenta reseita naun petrolíferu ho ninia montante millaun $724,4, ho previzaun ida katak fundu petrolíferu lori tinan naruk mak hotu ne’ebé sei la foti liu Rendimentu Sustentável Estimadu (RSE).

Daruak, sénariu moderadu họ ninia montante biliaun $1,309 ne’ebé défise ajustadu ho RSE millaun $585,2, ho previzaun fundu mina-rai sei hotu iha tinan 2045.

Datoluk, sénariu ne’e a’as oituan ho montante biliaun $1,600 ne’ebé ajusta ho RSE millaun $711,0, ho privizaun fundu mina-rai ramata iha tinan 2037.

Senáriu ikus liu, ho montante biliaun $1,782,9 ne’ebé ajusta mós RSE millaun $890,9 ho previzaun fundu mina-rai sei ramata iha tinan 2039.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here