Diretór Jerál SEFOPE, Paulo Alves. Imajen/Egas Cristovão

DILI, 15 outubru 2020 (TATOLI)—Tuir peskiza laborár tinan 2013 rejista husi totál populasaun Timor-Leste billaun 1.2-resin, pursentu 11 maka dezempregu ka laiha servisu.

“Husi 11%  ne’e totál pursentu 10 mak  empregu ita-nia rain depois iha tinan 2016 Sekretariu Estadu Formasaun Profisionál no Empregu (SEFOPE) ho Estatístika Nasionál públika halo mini peskiza ida kona-ba forsa traballu labarik idade minoridade ninia totál  persentajen 10% ita hare’e ba númeru dezempregu ne’e aas tebes katak tasa desempregu 11% ne’ebe ita uza to’o agora,’’ dehan Diretór Jerál SEFOPE Paulo Alves, ba Tatoli iha ninia servisu fatin foinlalais.

Notísia Relevante :2021, SEFOPE foku ba formasaun profisionál atu redús dezempregu

Nia hateten fatór indústria rai laran menus kontribui ba tasa dezempregu.

”Ita agora daudaun ne’e seidauk iha indústria bo’ot   atu bele  atende ba ita-nia joven sira hodi ba servisu, no bazeia ba peskiza ne’ebé ita  iha katak  ita-nia populasaun 1.2 billaun ne’e maioria joven ho idade 24 mai kraik  purvolta 62%,” tenik tan.

SEFOPE tau atensaun maka’as ba Sentru Formasaun profisionál ne’ebé akreditadu hodi fó subsídiu ba sira  ho objetivu ida katak sira bele ajuda  SEFOPE prodúz joven adultu sira para bele  iha kualifikasaun di’ak nune’e bele integra sira merkadu servisu.

Polítika seluk maka kontinua implementa programa promosaun auto-empregu no programa fó apoiu ba grupu sira ne’ebé hakarak loke negósiu.

“Ami nafatin buka maneira hodi  fó apoiu ba grupu sira ne’ebé maka i ha inisiativa halo negósiu  atu bele fó servisu filafali  ba ema seluk,’’ nia hateten.

Notísia Relevante :Timoroan oan servisu iha rai-liur kontribui maka’as ba dezenvolvimentu

Jornalista : Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here