Provedora Direitu Umanu no Justisa (PDHJ), Jesuína Maria Ferreira Gomes. Imajen Tatoli/Egas Cristovão

DILI, 13 novembru 2020 (TATOLI)-Orsamentu Jerál Estadu (OJE) tinan fiskál 2020 ne’ebé aloka ba Provedoria Direitu Umanu no Justisa (PDHJ) ho montante $1,155,894 ezekuta ona porsentu 83 (%).

Notísia Relevante : PDHJ prevee $1,857,468 iha OJE 2021

Provedora PDHJ, Jesuina Maria Ferreira Gomes, ba Agência Tatoli, ohin, iha Parlamentu Nasionál, hateten, alvu kompromisu ba ezekusaun  ne’e ezekuta ba servisu operasionál no servisu formasaun ba membru Polísia Nasionál Timor-Leste (PNTL), membru FALINTIL-Defeza Timor-Leste (F-FDTL), servisu investigasaun, lori notifikasaun, halo monitorizasaun ho rekomendasaun ba instituisaun kompetente sira.

Jesuina Maria, akresenta OJE 2020 ba PDHJ $1,155,894   aloka ba saláriu vensimentu $741,217, bens servisu $414,677, kapitál menór, kapital dezenvolvimentu, transferénsia públika laiha (-) no orsamentu ne’e halo de’it ajustamentu  ba programa ne’ebé antes ne’e hakotu rejime duodesimal hosi inísiu fulan janeiru to’o outubru.

“Balansu orsamentu  daudaun hela $198,000,00   hodi ezekuta ba fulan novembru ho dezembru 2020,” Jesuina hateten.

Provedora Jesuina Maria Ferreira Gomes, garante iha tempu badak ne’e sei ezekuta ho di’ak tanba barak liu kobre ba item saláriu vensimentu no bens servisu atu finansia de’it atividade formasaun no selebrasaun loron direitu umanu.

Jornalista   : Nelson de Sousa

Editór        : Francisco Simões

 

 

HAKEREK NO HATÁN

Please enter your comment!
Please enter your name here