Xefe Departamentu Saneamentu Munisípiu Dili, Domingos Soriano. Imajen Tatoli/Osória Marques.

DILI, 13 novembru 2020 (TATOLI)–Xefe Departamentu Saneamentu Munisípiu Dili, Domingos Soriano, hateten Ministériu Administrasaun Estatál (MAE) prosesa ona subsídiu liña frente ba pesoál saneamentu no jestaun merkadória munisípiu Dili.

“Ami-nia subsídiu liña frente, daudaun prosesu hela iha MAE parese dezembru nia rohan ami-nia ekipa saneamentu, jestaun merkadória inklui ho Pesoál Limpeza Esgotu (PLE) mós bele simu ona,” Domingos Soriano hatete ba Agência TATOLI via telefónika, sesta ne”e. 

Nia hatutan, bainhira iha fulan dezembru nia rohan mak la akontese entaun ekipa refere sei halo asaun protesta hasoru Governu tanba sira mós hola parte iha situasaun pandemia COVID-19 tanbasá mak labele hetan subsídiu maibé seluk ne’e hetan hotu ona.

“Ami hein de’it novembru nia rohan mak osan latama mak ami sei hato’o buat ruma hosi mídia tanba ne’e ami-nia direitu,” nia dehan.

Tuir nia, pesoál ne’ebé naran tama subsídiu liña frente hamutuk 435 kompostu hosi pesoál saneamentu na”in-205, Pesoál Limpeza Esgotu (PLE) hosi postu administrativu haat (4) hamutuk na’in-140, no jestaun merkadória hamutuk na’in-90.

Jornalista: Osória Marques

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here