Diretur SEFOPE.Imajen/Antonio G

DILI, 13 novembru 2020 (TATOLI)—Governu liuhosi Sekretáriu Estadu Formasaun Profesionál no Empregu (SEFOPE) durante tinan 11 komesa 2008 to’o 2019 konsege haruka ona Traballadór Timoroan hamutuk rihun tolu-resin ba servisu iha nasaun Korea Súl iha área peska, agrikultura no fabríka.

Diretór Jerál SEFOPE, Paulo Alves, hateten husi númeru ne’e barak maka fila ona mai Timor-Leste, no falta 2.776 maka sei kontinua servisu iha nasaun ne’eba.

Notísia Relevante:Traballadór Timoroan iha Koreia Súl 2.776

”Husi númeru rihun tolu ne’e  joven lubuk ida mak fila ona mai timor inklui 101 ne’ebé mak ita halo programa repartisaun ne’ebé mak haruka fila mai timor no sira ne’ebé sei hela nafatin iha korea do sul ne’e hamtutuk  2.776 mak sei nafatin servisu iha Korea Sul iha área tolu hanesan peska agrikultura no fabrika maibé  agrikulutra ne’e Timoroan ida mak sei servisu iha ne’ebá  tanba nia hetan filafali kontratu tanba durante nia servisu di’ak,’’ dehan nia ba Tatoli iha ninia servisu fatin Caicoli, kuarta ne’e.

Governu Timor-Leste ho Austrália iha tinan 2011 liubá asina ona nota kooperasaun ba Seasonal Worker Programe hodi haruka Timoroan ba servisu iha Austrália.

”Área servisu ne’ebé mak sira fó mak área agrikultura ho ospitalidade agora ita hahú trabalhadór ba servisu iha tinan 2011 ne’e hamutuk ema na’in 12 mak hahú servisu ne’ebá  husi numeru ne’e mak aumenta to’o agora,’’ tenik tan.

Joven Timoroan hamutuk 1.131 maka durante ne’e servisu iha Austrália. “Alvu atu aumenta joven sira atu ba servisu iha rai-liur mak depende ba nesesidade indústria merkadu ne’ebé mak ema husu  ba ita atu haruka joven sira ba servisu ida ne’e ita mak tenke prepara an joven sira para ba hala’o sira nia servisu iha Aástralia no Korea,’’ esplika Paulo Asis.

SEFOPE prontu atu fó apoiu ba traballadór Timoroan ne’ebe maka fila ona mai Timor-Leste no hakarak loke negósiu.

“Sira mós tenke halo grupu ruma kona-ba negósiu no mós sira bele fó servisu ba ema seluk,” nia dehan.

“Ha’u hanoin ita fó apoiu nafatin ba programa ida naran Seasonal worker programe  ne’ebé mak kontratu fulan neen hodi servisu  iha Asutralia no programa piles tinan  ida to’o tinan tolu no ida seluk mak programa ida Korea Súl, polítika ida ne’ebé mak  hanoin para  ita investe nafatin iha área sira ne’ebé mak iha para sira bele ba servisu iha ema nia rai hodi fila fali mai  bele investe fali iha ita nia rai,” nia hateten.

Notísia Relevante:SEPFOPE Haruka Tan Traballadór Timoroan 43 ba Servisu Iha Korea do Sul

Jornalista : Felicidade Ximenes

Editór :Agapito dos Santos 

HAKEREK NO HATÁN

Please enter your comment!
Please enter your name here