Embaixadóra Estadu Unidu Amérika (EUA) mai Timor-Leste, Kathleen M. Fitzpatrick. Imajen Tatoli/António Gonçalves

DILI, 13 novembru 2020 (TATOLI)–Embaixadora Estadu Unidu Amérika (EUA), Kathleen M. Fitzpatrick, ohin, despede Prezidente Repúblika, Francisco Guterres’Lú-oló’, iha Palásiu Prezidénsia Nicolau Lobato, Bairru-Pité, Dili.

“Onra boot halo reniaun despedida ho Prezidente Repúblika Francisco Guterres ‘Lú-oló hodi ko’alia ha’u-nia apresiasaun ba Timor-Leste nia istória no korajén timoroan sira-nian iha luta independénsia, ne’ebé mak estabelese nasaun foun no estabelese demokrásia,” Embaixadora Estadu Unidu Amérika, Kathleen M. Fitzpatrick, ba jornalista sira iha Palásiu Prezidénsia Nicolau Lobato, sesta ne’e.

Embaixadora ne’e hateten, Estadu Unidu Amérika parseiru di’ak ho TL kona-ba programa no fundu hodi apoiu TL nia objetivu atu dezenvolve país, diversifika ekonómia, apoia saúde iha tempu pandemia COVID-19 nian inklui lideransa juventude nian kona-ba treinamentu polísia, judisiál no forsa armada.

“Ha’u afirma katak millennium Challenge Corporation (MCC) nafatin badinas iha grupu TL nian no nafatin servisu hamutuk hodi dezenvolve programa sira iha TL, nune’e ami hein no fiar katak bele afirma kontaktu ho TL ne’ebé mak iha tinan kotuk kona-ba sanitasaun, bee-moos, edukasaun iha TL,” nia hateten. 

Nia haktuir, relasaun entre UN ho TL kontinua forte tanba ekipa iha UN iha TL hakarak kontinua ho programa ne’e no iha respeitu profundu ba timoroan sira no susesu ba estabelese demokrásia nasaun ne’e nian iha futuru.

“Ha’u apresia tebes ba Prezidente Repúblika Francisco Guterres ‘Lú-oló nia ospitalidade ba ha’u no timoroan nia ospitalidade ba ha’u-nia lealdade iha Timor-Leste,” Kathleen Fitzpatrick hateten.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here