Komisáriu CAC, Sérgio Hornai. Imajen Tatoli/Dok.

DILI, 13 novembru 2020 (TATOLI)-Komisaun Anti-Korrupsaun (CAC) ezekuta ona Orsamentu Jerál Estadu (OJE) 2020  nian to’o  porsentu 66 (%).

Notísia Relevante : CAC prevee millaun $1,7 iha OJE 2021 hodi konsentra ba area prioridade tolu

Orsamentu Jerál Estadu 2020 ba CAC  hamutuk $1,071,547, kobre ba item saláriu vensimentu $773,107, bens servisu  298,441, kapitál menór, kapitál dezenvolvimentu no transferénsia públika laiha (-).

Komisáriu CAC, Sergio Hornai, ba Agência Tatoli, ohin, iha Parlamentu Nasionál, informa, alvu ezekusaun orsamentu  ne’e fó prioridade ba despeza atividade diária ho rekorrente sai hanesan kompeténsia CAC nian  no mós ba iha lei foun Medida Preventiva Kombate Korrupsaun (MPCC) ba iha sosializasaun no rekrutamentu hodi estabelese tékniku informátika.

Sergio Hornai, garante sei  aumenta porsentu ezekusaun  iha novembru no dezembru,  tinan ne’e, ho efikásia no efisiénsia.

CAC ninia ezekusaun  Dotasaun Orsamentu Temporáriu (DOT) ne’ebé antes ne’e iha rejime duodesimu  Ministériu Finansas atribui dezde inísiu janeiru to’o   outubru nia ezekusaun mensalmente la’o di’ak.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here