Deputadu CNRT, Arão Noé de Jesus da Costa Amaral. Imajen/António Gonçalves.

DILI, 13 novembru (TATOLI)—Bankada Congresso Nacional da Reconstruçao de Timorense (CNRT), husu VIII Governu nia vizaun polítika kona-ba futuru projetu Tasi Mane tanba gasta ona osan boot.

Notisia Relevante: José Reis seidauk haree estudu viabilidade kona-ba dada kadoras mai TL

Deputadu bankada CNRT, Arão Noé de Jesus da Costa Amaral, hakarak husu klarifikasaun ba Vise Primeiru Ministru no Ministru Planeamentu no Ordenamentu, José Reis, kona-ba relasaun ba fundu infraestrutura ne’ebé liga ba iha projetu Tasi Mane.

“Tanba ne’e ha’u hakarak husu klarifikasaun hosi señor Ministru nia planu relasaun ba polítika ida-ne’e, Governu nia vizaun ba futuru dezenvolvimentu ba projetu Tasi Mane ne’e nia kontinuasaun oinsá, ida-ne’e importante tebes tanba ita investe tiha ona osan boot ba projetu ida-ne’e hodi halo estudu tanba ne’e ha’u husu klarifikasaun,” Arao Noé levanta asuntu ne’e bainhira hala’o audiénsia ho Konsellu Administrasaun Fundu Infraestrutura (KAFI), iha plenária, sesta ne’e.

Eis Prezidente Parlamentu Nasionál ne’e haktuir, iha 2020 alokasaun orsamentu ba projetu Tasi Mane millaun $2 no iha 2021 sa’e ba millaun $8,5.

Nia fundamenta, projetu Tasi Mane hanesan programa ida-ne’ebé ke importante tebes ba dezenvolvimentu iha kosta-súl, liuliu atu lori pipeline mai Timor-Leste.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here