DILI, 13 novembru 2020 (TATOLI)—Ajénsia Nasionál Avaliasaun Akreditasaun Akadémiku (ANAAA) propoin ona proposta Orsamentu Jerál Estadu (OJE) 2021 hamutuk rihun $426.865.
Prezidente Komisaun G ne’ebé trata asuntu Edukasaun, Juventude, Kultura no Sidadania, Deputadu António Verdiál de Sousa, informa Komisaun G ho Ezekutivu sira husi ANAAA halo ona audensia ba proposta ne’e tuir planu no programa ba 2021.
Notísia Relevante:ANAAA Presiza Orsamentu $500.000 Avalia Programa 187
Ami apresia ho orsamentu ne’ebé mak ANAAA propoin ho ninia programa prioridade sira ami fiar katak orsamentu ne’e sei hetan apresiasaun liután kuandu tama ona iha diskusaun tuir mai,” dehan nia ba jornalista sira iha PN.
Husi proposta OJE 2021 ho montante $426.865 nian ne’e sei ezekuta ba saláriu vensimentu $5.021 bens no servisu $355.207 no kapitál menór $66.637. Enkuantu kapitál dezenvolvimentu no transferénsia públika zero.
Notísia Relevante:Prezensa ANAAA Garante Kualidade Edukasaun
Jornalista : Tomé Amado
Editór :Agapito dos Santos
