Hosi: Max Stahl

(Mensajen hosi jornalista ne’ebé filma Masakre Santa Cruz 1991)

Ha’u hanoin hetan hanesan horisehik kalan balun semana molok loron 12  novembru 1991. Iha loron 08 novembru 1991, ha’u iha rai-kuak laran ne’ebé kee iha mota maran ida-nia sorin, ha’u ko’alia ho Komandante David Alex Daitula ho nia grupu kombatente FALINTIL hamutuk na’in-ualu (8).

Iha kilomteru sanulu nia laran, iha sorin-sorin ne’e membru Tentara Nasional Indonesia (TNI) sira mak hela no buka hela Komandante David Alex Daitula. Grupu ida ne’ebé besik liu Komandante Daitula nia subar-fatin ne’e, hela metru 500 bainhira estafeta ida, labarik ida, mosu ho mensajen ne’ebé haruka loron ida liu ba, husu ha’u-nia presenza no ha’u tenke ba Dili.

Ha’u la’o husik hela subar-fatin ne’e iha kalan boot hamutuk ho maun “Bulak” ne’ebé lori ha’u liuhosi mota boot ida, liuhosi to’os no la’o tuir ailaran tuan sira durante oras rua (2) nia laran. Tuir mai, ha’u kontinua mesak iha dalan bo’ot ba Baucau no hau fiar maun Bulak ne’ebé matenek liu, ofisiál militár Indonézia sira hotu ne’ebé aprende iha eskola militár Estadu Unidu nian. Kalan tuir mai, ha’u toba iha base camp TNI no BRIMOB Indonézia nian.

Kalan boot, ha’u esplika ba ofisiál boot Indonézia ida tanba ha’u hein bus mak bus laiha. Ne’ebé, ha’u hein iha dalan ba Baucau hosi Venilale nian, maun Bulak lori ha’u-nia kasete no kalan ne’e maun Bulak entrega ha’u-nia kasete ba Jose Ramos Horta nia maun alin, Arsenio, nia uma. Arsenio nia feen Edit Mascarenhas ativu iha komunikasaun rezisténsia nian besik Militar Indonesia sira nia fatin. Aproveita katak TNI sira fiar katak Arsenio iha sira nia bolsu laran.

Dadsersan loron 12 Novembru 1991, labarik sira iha Arsenio ho Edit nia uma kee iha jardin laran, hetan kaixa besi ida, hasai simbólu revolusionáriu ho perigu tempu ne’ebá. Sira hatudu bandeira Banku BNU nian no mós bandeira Portugal nian ida, ne’ebé sira hatudu mai ha’u-nia kamera molok ha’u sa’I hosi uma hodi ba igreja Motael atu tuir misa.

Iha ne’ebá, Padre Ricardo da Silva, ne’ebé tempu ukun-aan atu sai bispu Dioseze Dili, dirije misa ne’ebé ha’u ha’u haree dala barak loos. Ha’u sente katak tuir mai ha’u koñese joven sira barak ne’ebé ha’u grava sira-nia oin ho kamera iha dadeersan 12 novembru 1991 ne’e, bainhira sira hakbesik hodi simu komuniaun hosi padre Ricardo, balun ne’ebé mate horas ida tuir mai, balun ne’ebé moris hetan kanek, hodi konta istoria kona-ba oinsá membru TNI sira fó aimoruk venenu hodi oho ema ne’ebé hakilar demais iha morgue laran.

Ha’u hanoin hetan loron ne’ebá katak timoroan sira la ko’alia barak ba malu iha loron 12 novembru 1991 ne’ebá, la presiza, joven sira mosu dadeersan iha igreja Motael, tuir misa ho kalma maske sira hotu hatene katak violénsia-ho mate karik-sei mosu, balun fila ba uma hafoin misa, maibé tan ema mosu akompañ demonstrasaun, balun haksoit, hakilar ‘Timor-Leste, balun la’o deit, violénsia laiha, to’o bainhira militár okupasaun Indonézia lori violénsia mai hodi oho ideia bo’ot ne’ebé bolu joven sira hotu hakbesik ba dalan ne’ebé perigu boot iha loron 12 novembru 1991 ne’e.

Rai Timor hamutuk loron ne’ebá maske sira la haree malu. Asawa’in boot ne’ebé halo funu iha ailaran, David Alex Daitula, mós akompaña tanba nia estafeta mós iha, joven sira hosi eskola barak iha Dili hodi la’o hamutuk ho sira ne’ebé ativu iha frente klandestina. Maibé lia-menon ne’ebé partisipante sira hotu fó sai, hosi labarik sira to’o na’in rezisténsia nian mak hanesan, hosi misa iha igreja Motael ne’ebé hanoin hetan joven ativista Sebastiao Gomes Rangel ne’ebé membru militár Indonézia sira oho, to’o bainhira kilat musan halai no ema barak mate iha semitériu Santa Cruz nia oin. Mensajen katak maske tauk, maske violénsia, povu nia dignidade iha no povu direitu iha. (*)

Nota Bene: Mensajen ida-ne’e foti hosi Max Stahl nia facebook.

PUBLISIDADEiklan

HAKEREK NO HATÁN

Please enter your comment!
Please enter your name here