Sekretáriu Estadu ba Asuntu Kombatente Libertasaun Nasionál, Gil da Costa Monteiro 'Oan Soru'. Imajen António Gonçalves

DILI, 11 novembru 2020 (TATOLI)–Sekretáriu Asuntu Kombatente Libertasaun Nasionál (SAKLN), Gil da Costa Monteiro “Oan Soru”, ohin, hasoru malu no enkontru ho Primeiru-Ministru, Taur Matan Ruak, hodi ko’alia kona-ba lei no kompeténisa balunkona-ba Ministériu Asuntu Kombatente Libertasaun Nasionál (MAKLN)

 MAKLN nian.

“Ha’u ko’alia ho Xefe Governu ka Primeiru-Ministru, Taur Matan Ruak, hodi ko’alia kona-ba buat balun ne’ebé kait ho lei no kompeténsia ne’ebé loloos ne’e MAKLN mak atu implementa,” Gil da Costa Monteiro ‘Oan Soru’ haktuir ba jornalista sira iha Palásiu Governu, kuarta ne’e.

Nia hatutan, iha lei ne’e interpreta sees fali entaun ho ne’e MAKLN hakarak ko’alia ho Primeiru-Ministru atu bele hetan solusaun liuliu ba dekretu lei Númeru 5/2018 artigu 48, ne’ebé mak ko’alia kona-ba hetan subsídiu ba Konsellu Kombatente Libertasaun Nasionál (KKLN), karik tenke liuhosi gabinete Primeiru-Ministru maibé MAKLN iha entaun ko’alia oinsá para bele rezolve iha tempu hirak tuir mai.

Kona-ba difikuldade, nia hateten, atividade veteranu nian Timor laran tomak iha difikuldade barak tebes maibé polítika enjerál mak MAKLN fazeadamente haree ida-ida para fó solusaun.

“Ita labele boron dala ida. Maibé, ita presiza haree fazeadamente ba asuntu hirak ne’e. Tanba, iha Timor, ema hamutuk millaun ida-resin la’ós ema mak veteranu. Tanba ne’e, veteranu nia naran mak Kombatente Libertasaun Nasionál rasik, nune’e veteranu rasik ezije ba buat balun ba nia direitu maibé nia rasik tenke responsabilidade katak saida mak kombatente,” Oan Soru hatete.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here