Prezidente Tribunal Rekursu, Deolindo dos Santos. Imajen Tatoli/Antonio Goncalves.

DILI, 11 novembru 2020 (TATOLI)-Tribunál Rekursu (TR) prevee iha proposta Orsamentu Jerál Estadu (OJE) tinan fiskál 2021 hamutuk $8,388,940.

Notísia Relevante : PTR konvida Prezidente Repúblika hatuur fatuk-inan ba edifísiu foun TDD

“Ba orsamentu 2021 Tribunál Rekursu  prevee $8,388,940, ho medida setoriál mak  fó justisa ho di’ak liután ba povu, tanba ne’e  tenke iha rekursu  umanu sufisiente iha kapasitasaun ba juis, ofisiál justisa no funsionáriu ho presiza haree hodi  kria mós kondisaun servisu fatin no rezidénsia ne’ebé di’ak  ba juis sira,” Prezidente Tribunál Rekursu, Deolindo dos Santos hateten, ohin, ba Agência Tatoli hafoin hala’o audiénsia públika ho komisaun A-PN iha Parlamentu Nasionál.

Hosi proposta orsamentu $8,388,940  ne’e sei aloka ba saláriu vensimentu $3,432,488, bens servisu $3,021,052, kapitál menór $1,053,400, kapitál dezenvolvimentu $882,000 no transferénsia públika laiha (-).

Tuir dokumentu  livru Planu Asaun Nasionál  medida prinsipál setoriál hosi  TR iha 2021 maka  reforsa kapasidade ba iha ezersísiu kompeténsia konstitusionál, konsolida servisu apoiu Tribunais.

PTR mós sei kria kondisaun servisu ba juiz ho ofisial justisa, forma no dezenvolve rekursu umanu, konsolida konsellu koordenasaun hanesan órgaun ba orientasaun estratéjia iha setór justisa no supervizaun ba implementasaun iha planu estratéjiku dezenvolvimentu.

PTR mós  asegura orientasaun jerál  ba servisu no atividade iha akordu ho programa Tribunais, dezenvolve supervizaun no monitorizasaun sistemátika, maten relasaun permanente ho órgaun komunikasaun sosiál no promove boa governasaun  ho jestaun institusionál iha Tribunais, fortalese kapasidade rekursu umanu

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here