Majór Jenerál Lere Anan Timur. Imajen Tatoli/António Gonçalves

DILI, 11 novembru 2020 (TATOLI)- Xefe Estadu Maiór Jenerál FALINTIL-Forsa Defeza TimorLeste (F-FDTL), Majór Jenerál Lere Anan Timur, presta omenajen ba eroi juventude loriku asuwa’in sira ne’ebé sei hirus-matan mate defende Timor-Leste nia ukun aan.

Notísia Relevante : Sobrevivente Nelinha dos Santo Soares fó formasaun ba parteira sira

Lere dehan, Komandu FALINTIL uluk halo de’it funu iha ai-laran no iha vila-laran juventude sira maka komanda to’o Masakre Santa Krús iha 1991 mosu maka mundu koñese Timor-Leste.

“Trajédia boot 1991 iha Santa Krús ninia rezultadu maka ema koñese Timor-Leste no ita ukun aan. Joven sira hotu ne’ebé mate no sei moris se sira nia hirus matan ba Indonézia nia kilat musan fakar sira nia raan, soe sira nia isin iha Santa Krús ne’ebá mak halo mundu bele rekoñese Timor hakarak ukun aan. Ami sira ne’ebé luta iha FALINTIL ami agradese ba família sira ne’ebé ohin loron lakon oan ba rai ida ne’e,” Lere hateten, ohin, iha Palásiu Prezidensiál, Dili,  relasiona ho selebrasaun Masakre Santa Krús  ba dala-29.

Lere husu ba mate restu 12 novembru sira ne’ebé sei moris luta hamutuk nafatin atu lori estabilidade  ba rai ne’e no povu nia moris di’ak liután ba futuru tuir prinsípiu ukun rasik aan.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here