Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão

DILI, 11 novembru 2020 (TATOLI)—Governu liuhosi Ministériu Ensinu Superiór Siénsia no Kultura (MESSK), prevee ona millaun $2.5 husi  Orsamentu Jerál Estadu (OJE) 2021 para oferese kreditu ba instituisaun ensinu superiór privada sira iha Timor-Leste.

“Ita tau ona orsamentu purvolta $2,5 atu apoiu kreditu ba instituisaun ensinu privada sira. verba ne’e ita la tau iha orsamentu tetu fiskál maibé ita hatama iha dotasaun todu Governu,” nia informa ba jornalista sira iha Parlamentu Nasionál, kuarta ne’e.

Notísia reventa:MESSK prevee millaun $6-resin ba OJE 2021

Nia dehan intensaun husi programa oferese kreditu ne’e mak hodi apoiu dezenvolve instituisaun ensinu superiór privada sira liliu hadi’a kondisaun infraestrutura, fasilidade aprendizajen no kapasitasaun rekursu umanu.

“Proposta ne’ebé Klibur Instituisaun Ensinu Superiór Privada Timor-Leste (KIESPTL) aprezenta, akumula de’it Universidade 10 agora polítika ministériu nian ne’e akumula hotu universidade 18 ne’ebé ejiste,” tenik Governante.

Notísia reventa:Governu Planea Oferese Kreditu ba IESP-TL iha Futuru

Jornalista : Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here