Diretór Jerál MD, Nuno de Carvalho dos Santos. Imajen TATOLI/Evaristo Soares Martins.

DILI, 11 novembru 2020 (TATOLI)—Forsa Armada Libertasaun Nasionál Timor Leste, Falintil-Forsa Defeza Timor-Leste (FALINTIL-F-FDTL), lideradu Xefe Estadu Maiór Jenerál F-FDTL, Majór Jenerál Lere Anan Timor, propoin millaun $25.1 ba tinan fiskál 2021.

Notisia Relevante: Ministériu Defeza propoin millaun $18-resin iha OJE 2021

“Orsamentu F-FDTL ba tinan  fiskál 2021 hamutuk millaun $25-resin,” Diretór Jerál Ministériu Defeza, Nuno de Carvalho dos Santos, informa ba jornalista sira, bainhira hala’o audiénsia ho Komisaun B (Negósiu Estranjeiru, Defeza no Seguransa), iha Parlamentu Nasionál, kuarta ne’e.

Bazea livru planu asaun anuál previstu medida prinsipál setoriál hosi Ministériu Defeza ba tinan fiskál 2021 mak promove, garante no salvaguarda defeza nasionál.

Nune’e mós implementa polítika jéneru no promove boa governasaun no jestaun institusionál iha F-FDTL.

F-FDTL propoin orsamentu ho orsamentu $25,171,729 ba tinan fiskál 2021, inklui $9,895,000 ne’ebé destinadu pagamentu saláriu ba militár sira.

Alokasaun orsamentál kada programa ho kódigu 388 kona-ba defeza nasionál sei gasta $22,404,219, programa ho kódigu 412 kona-ba implementasaun polítika jéneru sei gasta $20,000 no programa ho kódigu 510 kona-ba boa governasaun no jestaun institusionál sei gasta $2,747,510.

Jornalista: Evaristo Soares Martins

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here