Kondoneadu krime tráfiku ilísitu droga, Casimiro Mateus Botelho Imajen Tatoli/Antonio Goncalves

DILI, 10 novembru 2020 (TATOLI)-Prezidente Tribunál Rekursu, Deolindo dos Santos, hateten, nia parte seidauk simu rekursu hosi Ministériu Públiku (MP) ba krime tráfiku ilísitu droga ne’ebé envolve kondenadu Casimiro Mateus Botelho.

Notísia Relevante : MP halo rekursu kontra desizaun TDD ba krime tráfiku ilísitu droga

Prezidente Tribunál Rekursu, Deolindo dos Santos. Imajen Tatoli/Antonio Goncalves

“Rekursu ne’e to’o agora seidauk ba Tribunál Rekursu. Bele iha, maibé sei pendente iha Tribunál primeiru instánsia tanba iha prazu ne’ebé lei fixa depois iha rekursu tenke mós iha resposta hosi rekursu ne’e rasik. Signifika Ministériu Públiku maka hatama entaun parte defeza hatama mós nia resposta,” PTR Deolindo dos Santos, hateten hodi responde ba jornalista, ohin, iha Palásiu Prezidente, Dili.

Nia esplika, prosesu hotu hafoin Tribunál primeira instánsia remete ba Tribunál rekursu hodi haree. Antes ne’e, Prokuradór Jerál Repúblika, José Ximenes, deklara kontra desizaun primeiru instánsia Tribunál Distritál Dili (TDD) ba krime tráfiku ilísitu droga ne’ebé envolve kondenadu Casimiro Mateus Botelho ho pena prizaun efetivu tinan-lima (5) tanba konsidera pena ne’e ki’ik liu.

Notísia Relevante : Krime tráfiku ilísitu droga, TDD kondena Casimiro Mateus pena prizaun tinan-lima

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here