Masakre Santa Krús 12 Novembru 1991. Imajen/AMRT

DILI, 10 novembru 2020 (TATOLI)–Atu komemora loron Masakre Santa Krús 12 Novembru 1991 ba dala-29, ne’ebé koñesidu ho Loron Nasionál Juventude Timor-Leste, Prezidente Konsellu Kombatente Libertasaun Nasionál (KKLN), Vidal de Jesus ‘Riak Leman’ husu ba joven timor-oan sira atu kaer metin prinsípiu unidade nasionál hodi dezenvolve nasaun.

“Ha’u husu ba joven sira ne’ebé moris iha 1999 mai oin, tanba sira ladún hatene funu, ne’ebé husu atu tuur hakmatek no kaer unidade nasionál ne’ebé ita halo iha funu laran hodi hotu-hotu hamutuk koopera ho Estadu dezenvolve nasaun ne’e sai di’ak liután,” Veteranu Riak Leman tenik iha Palásiu Governu, tersa ne’e.

Tuir nia, Masakre 12 Novembru hanesan momentu importante tebes tanba joven sira loke hirus matan hasoru inimigu, tanba momentu ne’ebá Governu Indonézia hetan presaun tanba mundu konsidera iha violasaun direitu umanu iha Timor-Leste.

“Lori Masakre Santa Krús iha Dili  mak hamosu kondenasaun maka’as husi mundu kontra indonézia hodi lori to’o ita ukun-an,” nia subliña.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here