Komandante Jerál PNTL, Komisáriu Faustino da Costa, observa direita servisu UPF hodi kontrola movimentu ilegál iha fronteira terrestre Timor-Leste ho Repúblika Indonézia. Imajen/PNTL

DILI, 10 novembru 2020 (TATOLI) – Komandu Jerál Polísia Nasional Timor-Leste (PNTL) “husu” osan ho montante $36,099,695 iha proposta Orsamentu Jerál Estadu (OJE) 2021 atu bele kobre nesesidade servisu  PNTL nian.

Notísia Relevante : MI prevee millaun $18,3 iha OJE 2021

Komandante Jerál PNTL, Komísariu Faustino da Costa.Imajen Tatoli/Antonio Goncalves

“PNTL nia proposta orsamentu ne’ebé governu aprova mak $36,099,695. Osan sira-ne’e ita sei aloka ba iha area prioridade Polísia nian hanesan areas fronteira ho polisiamentu komunitária,” Komandante Jerál PNTL, Komisáriu Faustino da Costa, informa ba jornalista sira iha Parlamentu Nasionál, ohin, bainhira halo audiénsia públiku ho Komisaun B Parlamentu Nasional ne’ebé trata ba asuntu Defeza, Seguransa no Negósiu Estranjeiru.

Hosi total orsamentu hirak-ne’e fahe ba kategoria sira mak hanesan, saláriu vensimentu $16,876,743, bens servisu $17,245,222, kapitál menór $1,977,730, kapitál dezenvolvimentu laiha (-) no transferénsia públika laiha (-).

Programa no planu prioridade PNTL nian mak, asegura no mantein salva guarda seguransa nasionál no orden públika kada loron, hasa’e prestasaun servisu PNTL nian ho profisionál, garante kontinuasaun formasaun ba membru PNTL iha akadémika kona ba tékniku vokasionál, haluan servisu PNTL nian no seluk tan.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here