Prezidente Tribunál Rekursu, Deolindo dos Santos. Imajen Tatoli /Egas Cristovão

DILI, 10 novembru 2020 (TATOLI)-Prezidente Tribunál Rekursu (PTR), Deolindo dos Santos, ohin, hala’o enkontru ho Prezidente Repúblika (PR),Francisco Guterres “Lú-Olo’’  hodi informa servisu Tribunál nian kona-ba estatístika númeru prosesu ba krime no sivíl hahú iha redusaun iha Tribunál sira.

Notísia Relevante : Kazu Pendente Kontinua Eziste iha TDD

“Ita komesa iha andamentu ne’ebé di’ak iha prosesu Tribunál nian hatudu hosi estatístika komesa iha redusaun ho  númeru signifikativu ba prosesu akumuladu sira Tribunál primeira instánsia no Tribunál Rekursu rasik,” Prezidente Tribunál Rekursu, Deolindo dos Santos, hateten ba jornalista sira, iha Palásiu Prezidensiál, Dili.

PTR fó sai prosesu akumuladu global  daudaun iha Tribunál  Rekursu (TR) iha de’it prosesu 17, Tribunál Distritál Dili prosesu krime agora 1,700, Tribunál Distritál Suai iha prosesu krime tun  ba 700-resin,Tribunál Distritál Baucau iha prosesu krime  agora tun ba 400-resin,Tribunál Distritál Oe-cusse  iha prosesu agora 300-resin no mós ba prosesu sivíl.

Deolindo dos Santos, promete sei fó dadus kompletu  besik fin do ano kona-ba estatístika servisu Tribunál nian iha  2020.

“Nune’e públiku bele hatene servisu Tribunál nian balun hala’o ka la’e. Karik  la konsege hala’o no problema ne’e iha ne’ebé tanba ne’e ita sei divulga iha fulan ikus, tinan  2020,’’ Deolindo hateten.

Nia hatutan, Tribunál kontinua esforsu atu mantén ho ritmu servisu, nune’e ba oin bele atinje di’ak liután  rezultadu servisu.

Durante enkontru, Deolindo dos Santos, informa mós ezekusaun OJE 2020 no preparasaun OJE 2021 ne’ebé sei halo diskusaun iha audiénsia públika  ho komisaun A trata asuntu justisa no konstitusionál,  kuarta aban, iha Parlamentu Nasionál.

Jornalista   : Nelson de Sousa

Editór        : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here