Prezidente KKLN, Vidal de Jesus 'Riak Leman’. Imajen Tatoli/António Gonçalves

DILI, 10 novembru 2020 (TATOLI)—Prezidente Konsellu Kombatente Libertasaun Nasionál (KKLN), Vidal de Jesus ‘Riak Leman’ akompaña ho estrutura, hasoru malu ho Primeiru-Ministru (PM), Taur Matan Ruak, hodi konvida partisipa iha abertura Asembleia Jerál Konsellu Veteranu.

Seremónia ne’e ne’e sei hala’o durante loron-tolu, hahú hosi loron 18 to’o 20 novembru 2020, iha kuartel Jerál FALINTIL-Forsa Defeza Timor-Leste (F-FDTL), Fatuhada.

“Ami hasoru maun bo’ot  (PM Taur) hodi ko’alia no konvida, sé iha tempu karik bele partisipa hosi halo abetura Asembleia Jerál Konsellu Veteranu,” Prezidente KKLN informa nafoin hasoru malu ho Xefe Governu, iha Pálasiu Governu, tersa ne’e.

Objetivu asembleia ne’e atu halo aprovasaun ba planu ne’ebé ekipa téknika prepara ona liuhosi diskusaun konsellu nasionál no estruruta munisipál sira.

“Ami hamutuk konsellu fiskál no konsellu disiplinár sira  atu halo apresiasaun hafoin halo aprovasaun ba planu estratejiku no aprova mós bandeira inklui logo  Konsellu Veteranu Nasionál nia ho rejimentu Asembleia Jerál nian,” nia akresenta.

KKLN mós konvida Prezidente Repúblika, Francisco Guterres ‘Lú Olo’ hodi halo abertura no taka seremónia ne’e.

Jornalista: Florêncio Miranda Ximenes

Editora: julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here