Partisipantes sira partisipa seminariu nasional ne'ebe hala'o iha Delta Nova Dili.Imajen/Tome Amado.

DILI, 10 novembru 2020 (TATOLI)—Komisaun Organizadora ba komemorasaun masakre Santa Cruz ba dala 29 no loron nasionál juventude ba dala 15, iha tersa ne’e,  realiza semináriu nasionál ida ho tema “Joven autór ba harii sosiedade reziliente” ne’ebé hala’o iha Salaun Delta Nova Dili.

“Ita sempre selebra loron nasionál juventude no 12 novembru hodi fó koñesementu bai ta-nia joven sira kona-ba istória 12 novembru nian iha Santa Cruz,” informa Vise Prezidente Komisaun Organizadora, Izolino Vaz, ba jornalista sira tersa ne’e.

Notísia Relevante :CNJTL:Joven la’ós autór ba krime

Atu sai joven reziliente tuir nia joven tenke preparadu atu prontu simu no rezolve kualker situasaun iha família no sosiedade nian leet.

“Husu ba joven sira  atu banati tuir ita-nia maun no bin ne’ebé maka uluk luta ba ukun an ida ne’e, ho imi nia partisipasaun iha semináriu ida  ne’e maka imi bele hatene problema saida maka imi hasoru iha imi nia moris, no mós imi presiza aprende atu nune’e imi bele kompete ho imi-nia maluk sira seluk,” nia  hateten.

Semináriu ne’e maioria partisipa husi estudante universitáriu sira, joven sira, estudante ensinu sekundáriu iha Dili ho oradór sira maihusi Konsellu Nasionál Juventude Timor-Leste (CNJTL-sigla portugés), Sekretáriu Estadu Juventude no Desportu (SEJD) no seluk tan.

Programa semináriu nasionál no eventu sira seluk ba komemorasaun 12 novembru 2020 hetan apoiu osan husi SEJD ho montante hamutuk 47.000-resin.

Notísia Relevante :Masakre 12 Novembru Kontribui Hakotu Okupasaun Indonézia

Jornalista :Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here