Ministru Edukasaun Juventude no Desportu, Armindo Maia.Imajen/Antonio Goncalves.

DILI, 10 novembru 2020 (TATOLI)—Governu liuhosi Ministériu Edukasaun Juventude no Desportu (SEJD) planea hakarak forma joven Timoroan sira ho kapasidade reziliente atu prontu enfrenta dezafiu oioin iha sira-nia moris.

“Joven mak sai autór ba sosidade reziliente signifika joven tenki prontu hasoru dezafiu hotu iha área oioin, tanba ne’e Ministériu Edukasaun iha 2021 iha ona polítika ida atu prepara kondisaun  ida di’ak ba joven sira  bele hasoru dezafiu ne’e,” dehan Ministru Edukasaun Juventude no Desportu, Armindo Maia, ba jornalista sira durante Semináriu Nasionál ho tema “Joven autor ba Harii sosiedade reziliente” hodi komemora Masakre Santa Cruz 12 novembru 1991 ba dala 29 ne’ebé hala’o iha salaun Delta Nova Dili, tersa ne’e.

Notísia Relevante :Edukasaun mak dahuluk no edukasaun ba ema hotu

Iha tinan 2021 SEJD hakarak hadi’a kondisaun infraestrutura bázika liliu konstrusaun no reabilitasaun ba sala eskola 221 ho sala eskola hamutuk 1.500, formasaun ba profesór nune’e bele garante kualidade aprendizajen ba foinsa’e sira.

“Uluk ami sira ne’e joven hetan servisu bainhira akaba sekundária  ne’e tanba ami sira eskola ne’e oituan de’it depois sistema edukasaun ne’e klaru prepara duni ami atu hetan servisu. Maibe ohin loron defisil tanba ema barak entaun  kompetisaun mós maka’as, ne’e duni  ejize joven ohin loron tenke prepara nia-an atu sai joven ne’ebé preparadu hodi hasoru sosiadade ida reziliente,” tenik tan.

Komemorasaun masakre Santa Cruz Dilia ba dala 29, 1991-2020 no Loron Nasionál Juventude ba dala 25 ne’e, nia hateten responsabilidade entidade hotu nian la’os de’it Sekretáriu Estadu Juventude no Desportu (SEJD) ho Konsellu Nasionál Juventude Timor-Leste (CNJTL-sigla portugés).

Notísia Relevante :MEJD planea reabilita sala aula 680 iha tinan oin

Jornalista : Tomé Amado  

Editór :Agapito dos Santos   

PUBLISIDADEiklan

HAKEREK NO HATÁN

Please enter your comment!
Please enter your name here