Masakre Santa Krús 12 Novembru 1991. Imajen/AMRT

DILI, 09 novembru 2020 (TATOLI)—Juventude Organizasaun Rezisténsia Sagrada Família (JORSF) sei komemora, 12 Novembru 1991, ne’ebé koñesidu ho Masakra Santa Cruz ho semináriu ho oradór maihusi entidade oioin ho tema “Tranzmite Espiritu 12 Novembru ba Joven Sira iha Libertasaun Povu”.

Semináriu ne’e sei realiza, aban, tuku 08h30 to’o ramata, iha Salaun FFTL, “Xanana Sport Center” Kampu Demokrasia, Dili.

“J-OSG konsiente katak 12 Novembru nu’udar eventu ida ne’ebé iha kualidade pozitiva barak ne’ebé presiza tranzmite ba jerasaun foun sira hodi forma sira sai sidadaun ne’ebé ativu, krítiku no responsável iha kontestu dezenvolvimentu,” haktuir dokumentu J-OSG ne’ebé refere ba Agência TATOLI, ohin.

Komemorasaun 12 Novembru ba da-29, ne’ebé organiza husi J-OSG ne’e, nia oradór sira mak hanesan Prezidente Komite 12 Novembru, Gregorio Saldanha, Sekretáriu Estadu Juventude no Desportu (SEJD), Abrão Saldanha, Sobrevivente 12 Novembru, Domingos Lamberto Belo “Dulama” inklui Sobrevivente Duarte Ximenes no mós Prezidente CNJTL (Conselho Nacional Juventude Timor-Leste), Maria Dadi Magno.

Tuir ajenda Komisaun Organizadora (KO), semináriu komemorasaun loron istóriku ne’e Prezidente Komite 12 Novembru, Gregorio Saldanha sei ko’alia kona-ba Valór no Prinsípiu 12 Novembru: insá halo sira relevante ba juventude ninia vida prezente.

Tuirmai, SEJD, Abrão Saldanha sei aprezenta kona-ba Polítika Governu ba dezenvolvimentu juventude hodi harii no hametin sentimentu domin ba Timor-Leste hodi defende independénsia totál povu nian.

Sobrevivente 12 Novembru Duarte Ximenes sei halo abordajen sobre Envolvimentu OSF iha 12 Novembru: perspetiva pesoál husi individu.

Inklui, Lider másimu CNJTL, Maria Dadi Magno sei ko’alia kona-ba Papél CNJTL ba juventude hodi harii sosiedade ida ativu no responsável.

Semináriu ne’e, JORSF prevee katak sei partisipa husi partisipante sira besik 100, ne’ebé kompostu husi joven sira, reprezentante husi organizasaun rezisténsia sira, konvidadu sira, públiku enjerál inklui interresadu sira no seluktan.

Komunikadu Imprensa

PUBLISIDADEiklan

HAKEREK NO HATÁN

Please enter your comment!
Please enter your name here