Diretora Ezekutiva Laboratoriu Nasional Endang Soares da Silva. Imajen /Egas Cristovão

DILI,09 novembru 2020 (TATOLI)—Servisu Laboratóriu Nasionál propoin ona proposta Orsamentu Jerál Estadu (OJE) 2021 hamutuk rihun $854.321 ba kategoria saláriu no vensimentu no bens servisu.

”Orsamentu $ 854.310 fahe ba kategoria sálariu no vensimentu no mós ba iha bens servisu nian,” hateten, Diretora Ezekutivu Laboratóriu Nasionál, Endang Soares, ba Agência Tatoli, iha ninia servisu fatin Bidau, Dili, ohin.

Notísia Relevante:Prevene COVID-19, Ajénsia Internasionál Rua Asina MoU ho Laboratóriu Nasionál

Husi item bens servisu nian sei uza hodi forñese diagnóstiku ne’ebé mak kualidade no mós halo supervizaun ativu ba servisu laboratóriu munisipál inklui manutensaun ekipamentu laboratóriu.

“Orsamentu ne’e ita tau prioridade ba iha kontinuasaun servisu forñese diagnóstiku no supervisaun ativu ba iha laboratóriu sira iha munisípiu hotu hanesan ba manutensaun ekipamentu laboratóriu nian no ita mós fó treinamentu no formasaun ba analista no sientista laboratóriu Nasionál nian,” nia dehan.

Entretantu, iha sesta (06/11), Servisu Laboratóriu Nasionál halo ona audensia ho Komisaun F Parlamentu Nasionál ne’ebé trata asuntu saúde kona-ba proposta Orsamentu Jerál Estadu, no durante audénsia ne’e laiha proposta adisionál ka redusaun ruma.

Notísia Relevante:Projetu konstrusaun sala Laboratóriu Nasionál atinje 95 %

Jornalista : Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here