Ekipa Mediku husi Ministeriu Saude halao hela tratamentu ba Vitima Masakre Santa Cruz 12 Novembru iha edifisiu SEJD,Segunda 9 Novembru 2020. Imajen TATOLI/Antonio Goncalves

DILI, 09 novembru 2020 (TATOLI)—Doutór Espesialista Cirúrjia Ospitál Nasionál Guido Valadares (HNGV-sigla portugés) Dili, segunda ne’e deteta bala musan iha mate-restu masakre Santa Cruz Dili nia isin durante halo tratamentu masal ba sobrevivente sira iha edifísiu Sekretáriu Estadu Juventude no Desportu (SEJD) Lecidere.

“Ha’u hanesan médiku espesialista iha cerújia ohin halo konsulta ba ita-nia maluk sobrevivente ida iha masakre 12 novembru iha tinan 29 liuba, identifika bala musan ida sei iha hela maluk ne’e ninia isin parte kelen loos. Maluk ne’e foin mak idade 43 bala musan ne’e to’o agora seidauk hasai,” dehan Doutór Espesialista Cerújia, Alberto dos Santos, ba Tatoli iha SEJD, segunda ne’e.

Notísia Relevante :Médiku HNGV fó ona tratamentu saúde masal ba sobrevivente 12 novembru

Nia dehan tuir loloos pasiente ne’e halo ona tranferénsia ba rai liur hodi halo operasaun maibé adia to’o ohin loron tanba akontese pandemia globál COVID-19.

Tuir doutór espesialista ne’e katak bala musan ne’e hela tinan barak ona iha sobrevivente ne’e ninia isin tanba ne’e persiza halo operasaun ho ekipamentu adekuadu.

Entretantu, tuir dadus mate-restu hamutuk ema na’in 261 maka hetan tratamentu saúde masal husi doutór espesialista sira iha segunda ne’e.

Notísia Relevante :HNGV koloka medíku 30-resin halo tratamentu saúde masal ba sobrevivente

Jornalista :Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here