Sekretáriu Estadu Kooperativa, Elizário Ferreira. Imajen TATOLI/António Gonçalves

COVALIMA, 07 novembru 2020 (TATOLI) – Sekretáriu Estadu Kooperativa (SEKoop) Elizario Ferreira hateten, governu halo ona diskusaun to’o ona faze finál atu harii merkadu iha fronteira terrestre liu-liu Covalima.

Notísia Relevante : SEKoop-Embaixadór Indonézia Diskute Revizaun Entendimentu ba Bazar Fronteira

Objetivu harii merkadu iha fronteira atu fasilita populasaun sira nia produtu lokál bele folin no fasilita populasaun liña fronteira terrestre Timor-Leste-Indonézia bele hala’o negósiu iha merkadu refere.

“Diskusaun ida atu kria fila fali kondisaun merkadu iha fronteira terrestre to’o ona nia rohan. Ne’e mak saida identifikasaun produtu sira produtu ne’ebé ita identifika primeiru atu fan iha merkadu fronteira mak naan. Ita hare iha ita nia maluk sira iha fronteira sorin naan karun entaun ita nian folin tun uitoan sira bele mai hola ona iha ita nian,” SEKoop Elizario Ferreira hateten iha Zumalai, sábadu ne’e.

Nia hatutan, alende fa’an na’an, foos no produtu lokál seluk mós sai hanesan produtu importante atu fan iha merkadu fronteira tanba ekonomikamente foos iha viziñu Indonézia karu liu kompara ho Timor – Leste.

 “Foos iha ita nia rain ne’e kilograma 30 ho folin  $15.00, maibé iha ita nia viziñu sorin kilograma 30 ne’e Rp.300,000 to’o Rp.400,000. Ne’e hatudu diferensa boot. Tuir fali mak hanesan Delos, masin midar, tuir fali mak tua sira iha sorin ba la fa’an tua, entaun buat sira ne’e hotu sira bele mai hola iha ita. Ida ne’e mak objetivu atu kria merkadu fronteira  terrestre ne’e,” Elizario.

Nia garante bainhira merkadu ne’e kria duni mak populasaun  iha fronteira nia rendimentu sei sa’e maka’as hodi kontribui ba dezenvolvimentu nasaun nian iha area ekonomia.

Jornalista: Hortencio Sanchez

Editór: Francisco Simões

HAKEREK NO HATÁN

Please enter your comment!
Please enter your name here