Arguidu ho inisiál JDS . Imajen Tatoli/Nelson de Sousa

DILI, 06 novembru 2020 (TATOLI)-Tribunál Distritál Dili (TDD) liuhosi julgamentu primeiru interrogatóriu, ohin,  aplika medida koasaun prizaun preventiva ba arguidu ho inisiál JDS ne’ebé deskonfia tama rezidénsia Prokuradór Jerál Repúblika (PGR), José da Costa Ximenes, hodi foti osan no sasán eletrónika seluk.

Tuir kronolojia kazu ne’e akontese iha loron 29 outubru 2020, iha  tuku 2:00 madrugada, arguidu tama PGR nia rezidénsia  iha Aldeia Metin, Suku Bebonuk, Dili hodi foti osan ho valor $2,000,00, relójiu liman (rolex orijinál) ida, laptop rua  no mós ho korrente osan mean.

Durante semana ida nia laran parte Polísia buka arguidu no ikus mai konsege kaptura iha loron 03 novembru 2020, iha tuku 9:00  hodi detein iha sela detensaun polísia nian durante oras 72 nia laran.

Prosesu ne’e Ministériu Públiku (MP) akuza arguidu ho krime burla agravadu no audiénsia primeiru interrogatóriu ne’e  prezide hosi juis singular, Julmira Auxliadora, MP reprezenta Prokuradóra Lidia Soares, no arguidu hetan asisténsia hosi Defensór Públiku  substitui hosi João Carvalho.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here