TDD. Imajen Tatoli /Dok

DILI, 05 novembru 2020 (TATOLI)-Tribunál Distritál Díli (TDD), ohin, liuhosi primeiru interrogatóriu aplika medida koasaun prizaun preventiva ba arguidu ho inisiál JS  tanba deskonfia halo tentativa  hodi taa kanek lezada na’in-tolu iha Aldeia Girilolo, Suku Liurai, Postu Administrativu Aileu Villa, Munisípiu Aileu foin lalais ne’e.

Notísia Relevante : Durante finadu, ema na’in-neen kanek

Tuir kronolojia hosi kazu ne’e, tanba arguidu no lezadu sira ba asiste festa  hodi sadik-malu  no ikus mai hein-malu iha dalan asalta-malu to’o  vítima na’in-tolu hetan kanek kmaan.

Ministériu Públiku promove arguidu ho krime tentativa omisídiu simples ne’ebé previstu no punidu iha artigu 138 kódigu penál, ho nia moldura penál tinan-ualu (8) to’o tinan-20 prizaun, no mós krime arma branka lei númeru 05/2017.

Defensór Públiku, Juvenál Freitas, hateten, Tribunál aplika medida koasaun ne’e ba nia kliente tanba iha indísiu forte envolve iha kazu ne’e no atu asegura arguidu durante prosesu investigasaun.

Audiénsia julgamentu ne’e prezide hosi juiz singular João Ribeiro, Ministériu Públiku reprezenta hosi prokuradór Gustavo da Silva.

Jornalista: Nelson de Sousa

Editór: Francisco Simões

HAKEREK NO HATÁN

Please enter your comment!
Please enter your name here