Isár Bandeira atu hahú dadaun. Doc. SEKOMS:.

DILI, 05 novembru 2020 (TATOLI)–Vise-Ministru Ministériu Administrasaun Estatál (MAE), Lino Torrezão, hateten preparasaun ba selebrasaun loron 28 novembru to’o ohin loron atinji ona ba 80% tanba agora atu finaliza de’it tan mak aprovizionamentu kona-ba tenderizasaun no korpu isar bandeira nian.

Notisia Relevante: Preparasaun loron proklamasaun iha Liquiça atinje ona 75%

“Preparasaun ba ita-nia komemorasaun loron proklamasaun independénsia iha Liquiça ne’ebé monu iha 28 novembru atinji ona 80%,” Vise-Ministru MAE informa ba Agência TATOLI via telefónika, kuarta ne’e. 

Nia hatutan, korpu isar bandeira ne’e sei kontinua nafatin ho korpu tinan kotuk nian ne’ebé sei involve estudante hotu iha munisípiu 12 inklui Rejiaun Administrativa Espesiál Óe-Cusse Ambeno (RAEOA).

“Korpu isar bandeira sei reprezenta kada ema na’in-3 hosi munisípiu ida-idak nian,” Vise-Ministru Lino Torrezão haktuir.

Maske hala’o iha Liquiça maibé nia hanesan komemorasaun nasionál tanba sei partisipa hosi membru Governu no Parlamentu Nasionál no mós komunidade sira hotu sei konsentra iha Liquiça.

Jornalista: Osória Marques

Editor: Cancio Ximenes

HAKEREK NO HATÁN

Please enter your comment!
Please enter your name here