Imajen/MAPKOMS

DILI, 05 novembru 2020 (TATOLI)–Ekipa feminina futeból salaun (Futsal)  hosi Prezidénsia Repúblika (PR) manán ekipa Parlamentu Nasionál (PN) ho golu úniku iha kontinuasaun torneiu  futsal Ministériu Asuntu Parlamentár no Komunikasaun Sosiál (MAPKOMS) ne’ebé hala’o iha kampu multifunsaun Bebora, Dili, ohin kalan.

Jogu ne’ebé hala’o ne’e bele dehan sorte aat monu ba ekipa PN tanba oportunidade barak mak hetan la aproveita ho di’ak, nune’e la rezulta golu ruma hodi fó vantajen ba ekipa PR hodi konsege hatama golu ida (úniku) iha primeira parte hosi jogadora Lilia hodi hatuur score ba 1-0.

Kontra atake kontinua manas, maibé to’o minutu primeira parte termina laiha golu ruma mak akontese ba ekipa rua no provizóriu PR lidera 1-0.

Kontinua ba segunda parte, ekipa rua nafatin mantein jogu ho ritmu kalma hodi buka oportunidade atu prodús golu, maibé laiha tan oportunidade ona to’o árbitru huu apitu naruk hodi termina jogu ho nia rezultadu vitória hela  ho ekipa  PR no PN simu derrota.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here