Rezultadu torneiu futsal MAPKOMS, 4 novembru 2020. Imajen/MAPKOMS

DILI, 04 novembru 2020 (TATOLI) – Torneiu futeból salaun (futsal) Ministériu Asuntu Parlamentár no Komunikasaun Sosiál (MAPKOMS) ne’ebé hala’o, ohin, iha kampu futsal Bebora, Dili, entre ekipa futeból feminina Banku Mandiri sukursál Timor-Leste ho ekipa Ministériu Obras Públiku (MOP), prova katak Mandiri tenke hakaruk no lakon hasoru MOP ho score 0-2.

Notísia Relevante : MOP feminina manan Telemor 1-0

Golu ne’ebé lori vitória ba MOP hatama hosi jogadór Zenadia Fereira (6) ho Quiteria Sarmento (9).

Golu rua ne’ebé MOP hatama bainhira jogu primeira parte hahú ekipa rua lansa kedan kontra ho atake. Hosi kontra atake ne’e sorte monu liubá MOP hodi fura kedan rede Mandiri iha minutu primeira parte.

Hakat ba segunda parte ekipa rua nafatin lansa kontra atake, maibé esforsu hotu Mandiri halo hela de’it hanesan esforsu tanba la rezulta golu ruma. Nune’e to’o minutu 10 ikus remata árbitru huu apitu naruk termina jogu vitória hela ba MOP no Mandiri tenke rekoñese nia derrota.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here