Xefe Sentru Saúde Formoza, Jaimé dos Reis Belo. Imajen: Felicidade Ximenes

DILI, 04 novembru 2020 (TATOLI)—Xefe Sentru Saúde Formosa (SSF) Dili, Jaime dos Reis Belo, informa durante loron feriadu finadu nian konsege halo ona tratamentu saúde ba pasiente  husi kazu asidente tráfegu monu ho motor no karreta no moras seluk tan hamutuk 94.

”Sira ne’ebé mai tratamentu iha loron finadu ne’e nia laran ami atende sira no sira bele rekupera hotu ,” nia informa ba jornalista sira iha ninia servisu fatin, Formosa Dili, kuarta ne’e.

Notísia Relevante :Sentru Saúde Formosa II rejista pasiente tensaun aas 555

Tuir nia husi pasiente asidente tráfegu hirak ne’e, balun lanu todan tanba konsumu alkohol ho persentajen boot.

“Medikamentu no ekipamentu ami sei sufisiente hodi halo tratamentu ba pasiente sira ne’ebé mak mai halo tratamentu iha Sentru Saúde ida ne’e mezmu  ai-moruk menus maibé ami uza meius oinsá para nafatin iha hodi halo atendementu ba pasiente sira,” nia hateten.

Notísia Relevante :Kondisaun infraestrutura iha Sentru Saúde Formosa grave

Jornalista : Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here