Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, Imajen TATOLI/Egas Cristovão

DILI, 04 novembru 2020 (TATOLI)–Governu liuhosi reuniaun Konsellu Ministru (KM) aprova prosedimentu ba aprovizionamentu kontratu aluga infraestrutura deskarga konbustível sentrál elétrika Hera ba períodu tinan-tolu.

“Proposta ne’ebé aprezenta hosi Ministru Obra Públika, Salvador Eugênio Soares dos Reis Pires aprovadu iha Konsellu Ministru,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun KM iha Palásiu Governu, kuarta ne’e.

Governante ne’e esplika, razaun halo prosedimentu aprovizionamentu ba kontratu aluga ne’e ho hanoin ida katak Estadu la iha infraestrutura, tanba ne’e nesesita aluga iha empreza privada sira.

Orsamentu ba MOP iha tinan ne’e maka $195.423.435, ne’ebé 83% maka prevee ba eletrisidade hanesan manutensaun jeradór no fornesementu kombustível ba sentrál elétrika Hera no Betano.

Hosi totál orsamentu ne’e fahe ba kategoria saláriu no vensimentu $5.022.471, bens no servisu $182.877.129, kapitál menór $2.523.835, kapitál dezenvolvimentu $5.000.000, no laiha transferénsia públika.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here