Imajen/Media CNC.

DILI, 04 novembru 2020 (TATOLI)–Dosente Fakuldade Siénsia Sosiais iha Universidade Nasionál Timor Lorosa’e (UNTL), Aniceto Guro Berteni Neves, hateten akadémiku sira presiza transmite istória pasada Timor-Leste nian ba jerasaun foun hodi sai hanesan matadalan matéria ida ba universidade iha Timor-Leste.

Notisia Eelevante: Relatóriu “Chega!” sai referénsia ba Aniceto Berteni fó hanorin iha UNTL

Aniceto Berteni hatutan, matadalan matéria mak liuhosi sosiedade akadémiku, reitór, jestór, manorin no estudante sira iha konseitu ida katak tenke esforsu atu rekolla informasaun hotu ne’ebé presiza konklui istória ema hotu-hotu hosi labarik feto-mane no ema boot ka inan-aman inklui ema ho defisiénsia sira-nia istória mós tenke hakerek.

“Istória pasadu ne’ebé sai hanesan lisaun ida hodi ita presiza transmite fali ba jerasaun foun sira,” Aniceto Guro Berteni ba jornalista Agência TATOLI iha eis Antigu Komarka Balide, Dili, foin lalais ne’e.

Kona-ba transforma istória pasada, nia dehan, seidauk implementa iha universidade maibé nia iha hanoin atu tempu badak sei implementa asuntu refere tanba istória pasadu ne’e importante tebes ba jerasaun foun.

Nia dehan, nia mós implementa ona programa ida kona-ba “Komunidade Ida Istória Ida”, ne’ebé hakerek kona-ba narrativu suku nian. Ida-ne’e seidauk ramata dala ruma tinan ne’e bele ramata no introdús ba públiku depois aplika iha universidade.

Ida seluk, nia hateten, atu enkoraja ema hotu-hotu inklui jornalista, joven, públiku atu bele iha kapasidade hodi hakerek istória pasadu.

“Ho ne’e, ha’u prepara ona matadalan ba peskiza istória ka métodu peskiza istória nian ba Chega! depois halo nota entendementu. Ha’u halo revizaun hotu ona. Semana kotuk Diretór Ezekutivu CNC, Hugo Maria Fernandes aprova ona no nia rasik mak halo prefásiu no finaliza ona, hein hela prosesu lay out depois imprime,”  nia hateten.

Nia dehan métodu peskiza istória ne’e sai mós matadalan ida ba estudante sira iha universidade no tempu badak sei implementa iha universidade.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here