Labarik sira halimar hela be mota Komoro,Dili Timor Leste.Imajen/Antonio Goncalves

DILI, 30 outubru 2020 (TATOLI)—Jestór Klinika Bairru-Pité, Inácio dos Santos, hateten durante fulan- setembru Klínika Bairru-Pité rejistu labarik  ho má-nutrisaun  hamutuk na’in ualu, mane na’in haat no feto na’in haat ho tinan lima mai kra’ik.

Husi pasiente má-nutrisaun na’in ualu ne’e hafoin halo internamentu konsege rekupera hodi fila bá sira-nia uma idaidak.

Notísia Relevante :TL sei kontinua enfrenta problema mánutrisaun

Populasaun Timor-Leste laós kategoria ki’ak liu hodi fó impaktu ba kazu má-nutrisaun maibé problema maka família barak seidauk iha koñesimentu natoon oinsá atu tein hahán nutritive ba sira-nia família.

“Inan-aman laiha koñesimentu ne’ebé  mak natón tanba ita nia hahán  sira iha Timor-Leste iha vitamina ne’ebé  barak, maibé konsumu mak la tuir nia nia padraun,’’ Inácio dos Santos hateten ba jornalista Agênsia TATOLI iha nia knaar fatin, ohin.

Ezemplu hahán nutritivu mak tein sasoro tenki tau ho naan, modo senoura, fehuk ropa, modo tahan nune’e bele haforsa labarik sira-nia dezenvolvimentu fiziku no mentál.

Notísia Relevante :Labarik Idade Fulan 6 To´o Tinan 2 Presiza Hahan Saudável

Jornalista:Felicidade Ximenes

Editór: Agapito dos Santos

HAKEREK NO HATÁN

Please enter your comment!
Please enter your name here